Masasabi sa aming Guro

                                   Noon, akala ko masungit si maam, mataray, strikta. Pero sa halos isang taon naming pagsasama, nabago ang aking mga maling akala. Mabait si Maam, masipag magturo, magaling na guro at syempre maganda J Siya yung tipo ng guro na masasabi mong di tipikal. Sa kanyang pagpasok sa aming silid araw araw, iba ang kanyang emosyon. Akala mo laging seryoso at galit pero habang nasa klase na siya, sulit na sulit. Matatawa ka na, marami ka pang matututunan. Dagdag pa riyan hindi mo rin maiiwasang mapa WOW sa bawat salitang lumalabas sa bibig ni maam. Yung tipong purong tagalog at napaka daming alam. Minsan nga napapanganga nalang ako. Sa bawat araw, ibat ibang aralin ang aking natututunan na talaga namang nagiging malinaw at lubos kong naiintindihan. Napakagaling kasi ni Maam magpaliwanag. Strikta pero nasa hulog talaga , ayaw niya na umuupo kami sa hindi namin totoong upuan. Ayaw niya na may iba kaming ginagawa sa tuwing may nagsasalita. Mahigpit din si maam, hindi ko makakalimutan ang pagsubok na ibinigay niya sa amin, ang bawal magsalita ng kahit na anong salitang ingles sa oras ng kanyang pagtuturo, kahit na SO o anupaman na may kaugnayan sa Ingles. Dahil unang guro namin siya, minsan natatawa na lang kami dahil nadadala na namin ito maging sa aming normal na paguusap. Pero kung atin talagang sususmahin, unti unti kong napagtatanto na napakagandang pakinggan ang salitang purong tagalog. Isa rin si maam sa aking gustong guro. Bakit? Dahil nakakatuwang isipin na sa kabila ng edad ni maam, nakakasabay pa rin siya sa aming mga pinaggagawa,yung tipong naiintindihan niya kami lalo na sa aming nararanasan bilang mag aaral at bilang kabataan. Minsan pa nga nang dahil sa mga payo niya napapangiti ang bawat isa. Kaya para sa huling pahayag, Maraming Maraming salamat po aming guro J isa kang biyaya na lubos po naming ipinagpapasalamat sa panginoon, salamat po sa araw araw na payo, saya at mga aral. Nawa’y bigyan pa po kayo ng lakas ng poong maykapal upang marami pa po kayong matulungang mag aaral. Maraming salamat po J

Masasabi sa Kurikulum ng K-12

                      Sa una, nakakainis marinig na madadagdagan ang taon n gaming pag aaral ngunit ng malaman namin ang layunin at paliwanag sa kurikulum, nabago ang aking pananawa. “kakaiba”, “astig”. Dalawang salita na masasabi ko sa kurikulum ng K-12. Dahil sa kurikulum na ito, puro estudyante ang dapat na nagsasalita sa harapan. Mahabang Panahon man ang gugugulin para matapos ang kurikulum, marami naman itong mabuting dulot. Sa pamamagitan nito, lubos na nahahasa ang mga mag aaral lalo na sa pakikipag talastasan sa klase. Makatutulong din ito sa bawat mag aarala upang maging madali ang pagtahak sa pagdating ng Kolehiyo.

Buong Karanasan sa baitang 9 J

                                Sa halos isang taon ko sa baitang 9, marami akong naging karanasan. Karanasan na nagbigay aral,nakapagpasaya, at nakapagpalungkot na talaga naming hindi malilimutan. Ibang iba kasi ito sa aming nakasanayan noong kami ay nasa baitang 8. Marahil dahil sa kaunti na lamang ang oras ngayon kaysa noon. Noon kasi halos baby kami kung maituring dahil sa lahat ng kompetisyon na aming sinasalihan halos lahat ng guro ay pinagtutuunan kami ng pansin, pinapagamit sa amin ang kanilang oras para sa pag eensayo ngunit ngayon, dahil a kakulangan sa oras sa aming klase pa lamang, kung kaya’t kailangan naming ng malawak na pag intindi sa aming mga guro. Hindi nagging madali ang aking karanasan sa taong ito. Araw Araw ay parang isang digmaan na kung saan kailangan mong lumaban dahil kapag sumuko ka, ikaw ang matatalo o mamatay. Sobrang nakakapagod dahil bukod sa aming pag aaral sa loob ng silid aralan, mayroon pa kaming sinalihang iba’t ibang organisayon o kompetisyon. Sobrang nakakastress sa dami ng takdang aralin, proyekto na kailangan ipasa sa tamang oras. Dagdag pa riyan ang alitan sa pagitan ng kamag aral dahil sa iba’t ibang rason. Ganun pa man, sa pagtatapos ng oras sa isang araw, nakatutuwang isipin na nakakayanan ng bawat isa ang pagsubok, na sa kabila ng pagsubok nakangiti pa rin kaming lahat. Stress at pagod man araw araw, nababaliwala ito sa tuwing nakikita ko ang aking grado. Sa taong ito, muli nanaman akong nakaramdam ng pangalawang pamilya. Sa mga pagkakataon na ilalaban ka sa ibang paaralan o sa mga kompetisyon na sinasalihan ko, buong puso kong nararamdaman ang kanilang buong suporta at pagpupursige pa nila sa akin. Sabi nga nila “Mahirap Mag aral pero mas mahirap pag walang pinag aralan”. Anumang hirap at pagod ang aking dadanasain, lagi kong sinasapuso na parte ito ng pagiging estudyante at kung wala akong haharaping pagsubok, hindi ako matututo at makakaahon sa buhay.

Takdang Aralin

Repleksyon para sa ika-siyam linggo ng ikaapat na markahan

Ngayong linggong ito , natapos na naming ang aming ikaapat na markahang pagsusulit subalit muli pa rin naming tinalakay ang mga kabanatan o mga bagay tungkol kay Maria Clara. Hindi nagging madali ang linggong ito dahil mayroong iba’t ibang pannaw ang bawat isa kung kayat sa halos ilang katanungan n gaming guro ay mayroong iba’t ibang anggulo ng kasagutan, halimbawa nalang ang katanungan na kung ikaw si Maria Clara ipaglalaban mo ba ang iyong kasintahan o susunod na lamang sa utos ng iyong mga magulang, bawat isa ay may ibat ibang sagot na talaga namang mayroong basehan at totoong pwedeng mangyari sa kasalukuyan. Sa linggong ito din nabigyang linaw aat katarungan ang katauhan ni Maria Clara sa Nobela , bawat pangkat ay naatasang gumawa ng presentasyon upang sagutin ang mga katanungan na pumapatungkol parin sa nasabing tauhan. Sa huling araw ng linggo, hindi ako nakapasok sa kadahilanang pumunta kami sa bahay bakasyunan o kulungan sa Antipolo upang magbigay ng saya sa mga bakasyonista o mga presong babae. Nakakalungkot ang istorya ng bawat isa. Dito ko napagtanto na hindi lahat ng nasa lugar na may rehas ay masasama bagkus sila ay mabubuti. Sila ay maaaring biktima lamang ng pagkakataon kaya nila nagagawa ang mga maling bagay. Marami rin kaming natutunan sa kanila, Hindi pa huli ang lahat para magbago.bawat pangyayari sa ating buhay ay may rason, maaaring isa lamang itong pagsubok na ibinigay ng panginoon upang hindi tayo tuluyang maligaw ng landas. Sa kabilang banda, ayon sa aking mga kaklase,nagkaroon ng pangkatang gawain. Ang aming grupo ay naatasang gumawa ng isang tula tungkol kay Maria Clara. Bilang patunay ito ang aming litrato.

Repleksyon para sa ikawalong linggo ng ikaapat na markahan

Ngayong lingo , unti nunti na naming kinilala ang ibat ibang tauhan sa Noli Me Tangere , nang matapos  kilalanin si Crisostomo Ibarra , binuklat naman naming ang buhay ni Elias , Maria Clara at Sisa . Napakabuting Kaibigan talaga ni Elias , sapagkat mas pinili niyang maging matalik na kaibigan ni Elias kaysa maghiganti kay Ibarra , si Elias ang nagging sandalan , katulong at karamay ni Ibarra sa pagtahak niya ng landas tungo sa pagbabago ng bayan ng San Diego . Pagdating naman sa karanasan niya , hindi pala puro saya ang naranasan ni Elias , bagkus marami rin siyang naranasang pagsubok . Napahirapan ang mga magulang niya noon ng mga ninuno ni Ibarra kung kayat siya ay nagpa laboy laboy at naging ama amahan niya si Kapitan Pablo , na mayroon din mapait na karanasan sa mga kura. Si Maria Clara naman ay higit na mayaman kumpara kay Sisa , sa kutis pa lamang makikita na natin ang kanilang pag kakaiba. Si Maria Clara ay galling sa marangyang pamilya na tapat na mangingibig ni Ibarra sapagkat kahit nagpakasal siya kay Linares , si Ibarra pa rin ang tunay na nilalaman ng kanyang puso samantalang si Sisa naman ay mayroong hindi magandang buhay , siya ay nakapang asawa ng malupit at walang paki alam sa kabila nito , mahal niya pa rin nag kanyang asawa’t mga anak . 

Repleksyon para sa ikapitong linggo ng ikaapat na markahan

Ngayong  lingo , dalawang araw kami wala sa aming klase dahil sa naganap na campaign ng SSG. Noong Miyerkules naman ay walang pasok dahil sa pagdaraos ng anibersaryo ng People’s Power Revolution. Ayon sa aking mga kaklase , nagkaroon ng Mock Trial na kung saan lilitisin si Ibarra , ito ay ginanapan ng aking mga kaklase na kung saan may nagsilbing Ibarra , Elias , at mga abugado . Noong Biyernes naman , nagkaroon kami ng pagsusulit tungkol sa mga kaganapan sa buhay ni Crisostomo Ibarra . Bilang takdang aralin, ibubuod naming ang mga kabanatang may kaugnayan naman kay Elias. 

Repleksyon para sa ikaanim na linggo ng ikaapat na markahan

Ngayong linggo , unti unti na naming naiintindihan ang naging buhay ni Crisostomo Ibarra sa loob ng Noli Me Tangere , bawat pangkat ay naatasang suriin ang buhay pagibig , mga banta at suliranin at kung sino ba si Crisostomo Ibarra bilang anak . Napagtanto ko na hindi pala ganoon kadali ang dinanas ni Ibarra sa loob ng akda , marami pala syang pagsubok na dinaanan na minsay nagiging dahilan ng kawalan ng kanyang pag asa ngunit sa kabila nito , pinagpatuloy nya pa rin ang kanyang hangarin na maipagtanggol ang kanyang bayan , kahit na noo’y dumating sa punto na hindi siya tinutulungan ng kanyang bayan na makamtan ang pagbabago . Isa pa sa mga pumukaw sa aking damdamin , ay ang eksena ni Elias at Ibarra , na kung saan sinubok ang kanilang pagmamahal at pagiging matatag na magkaibigan , kahit na nalaman ni Elias na may kinalaman ang nuno ni ni Ibarra sa pagkamatay ng kanyang mga magulang , hindi pa rin ito naging balakid para mabuwag ang kanilang pagkakaibigan bagkus mas naging matatag silla sa kabila ng maraming pagsubok na dumating . 

Repleksyon para sa ikalimang linggo ng ikaapat na markahan

Umiikot ang buong linggong ito sa pagtatalakay ng bawat kabanata ng Noli Me Tangere. Bawat pangkat ay naatasang mag ulat ng mga kabanatang nakaatas. Sa una , mahirap intindihin sapagkat napakaraming malalalim na salita lalo na sa mga pahayag ni Pilosopong Tasyo . Naging malikhain naman ang bawat pangkat sa pag uulat . Bilang gawain , inatasan kami ng aming guro na itala lahat ng mahahalagang pangyayari na may kinalaman kay Crisostomo Ibarra at kung bakit ito mahalaga. Sadyang nakakamangha talaga ang may akda ng Noli Me Tangere dahil nabigyan nya ng hustisya ang bawat tauhan . 

Repleksyon Para sa Linggong Ito :)

Ngayong Linggo , tinalakay namin ang Noli Me Tangere. Bilang panimula , nagsagawa kami ng “Parade of Characters” na kung saan ang bawat pangkat ay gaganap ng iba’t ibang tauhan sa Noli Me Tangere . Bawat Miyembro ng pangkat ay nagpakita ng kanilang husay sa pag arte ng kanilang dapat na ganapan. Kasabay nito ang muli naming pagtalakay sa bawat tauhan ng nasabing akda . Ngayong Linggong din ito , unti unti na naming pinag aaralan ang bawat kabanata ng Noli Me Tangere . Bawat Pangkat ay inatasan ng aming guro na iulat ang bawat kabanata ng akda . Sa Pangunguna ng Pangkat isa , marami na akong nalaman tungkol kay Crisostomo Ibarra . Tulad ng , ginamit nya ang kaugaliang natutunan nya sa ibang bansa sa pagbalik nya sa bayang sinilangan lalo na sa pagpapakilala ng kanyang sarili. Dagdag pa riyan nang bumalik si Ibarra sa bayan ng San Diego napagtanto nya na wala pa rin itong pagbabago simula noong pag alis nya dahil ang Rehas na iniwanan nyang baluktot ay ganoon pa rin sa kanyang pagbalik. 

Repleksyon para sa Ikatlong Linggo ng Ikaapat na Markahan

                       Nahuli nanaman ako ng pagpaskil ng aking repleksyon dahil nagkaroon ako ng karamdaman sa mata kaya hindi  ko na nakayanang humarap sa  kompyuter . Ganun pa man , gusto ko pa ring isalaysay ang aking mga karanasan ngayong   linggo. Simula na ng Ikaapat na markahan , ang huling markahan namin sa grade 9 . Hindi ako nakapasok  noong martes dahil nga sa aking mata . Sa  buong taon ng aking pag aaral sa grade 9 , noong araw lang ako lumiban sa klase . Kaya naman hindi ako mapakali sa aming tahanan , text ako ng text sa aking mga kama aral tungkol sa kanilang mga ginawa at takdang aralin . Ngayong Linggo , wala si Ginang Mix to dahil nasa laban sa ng Regional School Press Conference (RSPC) kaya bilang kapalit , si Ginoong Mixto ang nagtuo sa amin sa loob n ilang araw . Pinag aaralan namin ang mga Tauhan n Noli Me Tangere . Ang inaakala kong simpleng Nobela , marami palang tinataong kahulugan . Nakakamangha talaga ang ating pambansang bayani . Napakatalino nya ,  nagawa nyang gumawa ng Nobelang may pagkakatulad sa kanyang katangian sa ibat ibang katauhan . Halimbawa nito ay si Crisostomo Ibarra , dahil pareho nilang ipinaglalaban ang kalayaan . Kalakip nito ang maikling pagsasanay tungkol sa mga  tauhan ng Noli Me Tangere. Excuse naman kami ng mga kapwa ko babaeng iskawt noong Biyernes dahil sa Camping sa Boso Boso. Napakasaya at di malilimutang karanasan . Mas malamig sa lugar na iyon kaysa sa aming Lugar. 

Repleksyon sa Ikalawang Linggo ng Ikaapat na Markahan

“Huli man at  magaling , naihahabol pa rin” . Magandang araw aking mambabasa ! Nahuli ako ng pagpaskil sa aking blog dahil wala na akong oras magkompyuter sa dami ng akiing gawaing bahay at pampaaralan. Noong ikalawang linggo ng aming ikaapat na markahan, tinalakay namin ang kaligirang pangkasaysayan ng Noli Me Tangere  . Napakarami palang nagin dahilan kung bakit ito naiisulat n ating pambansang bayani . halimbawa nito ay : Pagkalugi ng Galleon Trade.Pangatlo ay Pagkakahiwalay ng mga kalapit na bansa.at Kawalan ng matatag na pamahalaan.   Kasabay nito ang pagtalakay namin sa mga akda patungkol kay Jose Rizal . Napag alaman ko na  bata pa lamang si Rizal ay  kinakikitaan na sya ng kakaibang talino ng kanyang Ina . Kapansin pansin sa bawat akda na sya ay lubos na mapangmantiyag kung kayat  bata pa lamang ay mulat  na ang kanyang isipan sa mga bagay na hindi pa dapat iniisip ng mga bata . Inatasan din kami ng aming guro na  panuorin ang  palabas na tungkol kay Rizal . Nang akin itong mapanuod ,  nag karoon ako ng dagdag kaalaman , lalo na sa  mga nangyari noong unang panahon . 

Repleksyon Para sa Ikasiyam na Linggo

            Higit na nakakapagod ang linggong ito kaysa noong nakaraan. Napakarami kasi naming inasikaso pagkatapos ng ikatlong markahang pagsusulit. Inatasan kami ng aming mga guro na ayusin at ipasa ang mga dapat ipasa gaya ng kwaderno , Portfolio at iba’t ibang proyekto. Napagtanto ko na napakahirap pala talagang mag aral ngunit mas mahirap kung wala kang pinag aralan. Kailangan ng sipag at tiyaga upang magtagumpay sa huli. Para naman sa Asignaturang Filipino , bilang panimula , ipinaalam ni Ginang Mixto sa amin ang aming mga pag aaralan sa loob ng ikaapat na markahan . ito ay tungkol sa Noli Me Tangere na isinulat ni Dr. Jose P. Rizal . Masaya kaming nalaman ito sapagkat magiging malawak na din an gaming kaalaman tungkol sa ating pambansang bayani ganun din sa kanyang mga isinulat . Kalakip nito ang paunang pagsusulit upang masukat an gaming mga nalalaman tungkol sa Noli Me Tangere . Para sa aming Produkto , gagawa kami ng Trailer at ShortFilm tungkol sa kabanata 7, 34, 54 at 60. Sa linggo din na ito dumating ang ating Santo Papa na si Pope Francis . Hindi man ako nakapunta ng personal sa kanya , damang dama ko naman ang kanyang mga mensahe kahit sa Telebisyon lamang . Nakakatuwang isipin na sa kabila ng malakas na ulan , pinagpatuloy pa din ni Pope Francis ang kanyang misyon sa ating bansa habang maraming pilipino din naman ang sinuong ang ulan para lamang makita siya at mapakinggan ang kanyang mga aral .

          #BlessedByThePope<3 #PopeFrancis<3 

Repleksyon Para sa Ikawalong linggo :)

Sa Isang linngo naging pagkikita , marami tayong mga natalakay. Pinag-aralan natin ang tungkol sa :

“Pagpapasidhi ng Damdamin”

ð  ito ay tumutukoy sa antas, lakas, o puwersa ng pagkakasunod – sunod ng mga salitang  nagpapahayag ng damdamin . Halimbawa nito ay : Nagiinit , Nag-aapoy ,Naglalagablab.

“Sanaysay”

ð  ito ay isang salaysay ng isang sanay ayon kay Alejandro Abadilla.

ð  Tuluyang kathaing naglalahad ng kaalaman ng kaalaman , kuro-juro, o damdamin sa isang maluwag , maguni-guni, pansarili, di-tapos, at di-ganap na pamamaraan.

ð  Naiiba sa kathang Agham dahil ang ito ay may basehan at mas maigsi o madaling basahin ang sanaysay kaysa kathang agham.

ð  Nagsasalaysay ng pangyayari .

ð  Nagiging talumpati ang sanaysay kapag binabasa na ng mambabasa .

“3 Elemento ng Sanaysay”

·         Paksa => Sentro ng ideya ng buong akda.

·         Tono => Maaaring ang himig ay natutuwa , nasisiyahan, nagagalit , sarkastiko , naiinis , nahihiya at iba pa.

·         Kaisipan => mensaheng gustong iparating sa mga mambabasa.

“4 na uri ng Teksto”

·         Narativ o nagsasalaysay

·         Informativ o nagbibigay impormasyon

·         Persuasive o nanghihikayat

·         Argumentative o nagbibigay ng argumento

“Pamaksang Pangungusap”

Ø  Tinatawag na pangunahing ideya.

Ø  Ito ay ipinahahayag nang tuwiran sa loob ng talata.

Ø  Ang pangungusap na ito ay maaaring matagpuan sa unahan , gitna , at sa huling talata.

Ø  Tumutukoy kung ano ang pinaguusapan sa buong talata.

Halimbawa:

·         Ang lahat ng malalayang bansa sa mundong ito ay may apat na magkakatulad na bagay.

“Pantulong na Pangungusap”

Ø  Nagbibigay ng detalye at paliwanag sa isinasaad ng pamaksang pangungusap.

Halimbawa:

·         Ang mga sagisag nito ay isang pambansang pamahalaan , watawat , awit , at isang pambansang wika.

Paraan ng pagbuo ng Pantulong na pangungusap:

= Paggamit ng impormasyong maaaring mapatotohanan.

= Paggamit ng estadistika o survey.

= Paggamit ng halimbawa.

At bilang paghahanda sa ating ikatlong markahang pagsusulit , nagkaroon din tayo ng mahabang pagsasanay tungkol sa ating mga napag aralan.