Bahagi ng Tulang Elehiya Para kay Ram
Ni Pat V. Villafuerte
Kung ang kamatayan ay isang
mahabang paglalakbay
Di mo na kailangang humakbang
pa
Sapagkat simula’t simula pa’y
pinatay ka na
Ng matitigas na batong
naraanan mo
Habang nakamasid lamang
Ang mga batang lansangang
nakasama mo
Nang maraming taon.
Silang nangakalahad ang mga
kamay
Silang may tangang kahon ng
kendi’t sigarilyo
Silang may inaamoy na rugby
sa madilim na pasilyo.
Sa pagitan ng maraming
paghakbang at pagtakbo
Bunga ng maraming huwag at
bawal dito
Sa mga oras na nais mong
itanong sa Diyos
Ang maraming bakit at paano
Ay nanatili kang mapagkumbaba
at tanggaping ikaw’y tao
At tanggapin ang uri ng buhay
na kinagisnan mo.
Buhay na hindi mo pinili
dahil wala kang mapipili.
Buhay na di mo matanggihan
dahil nasa mga palad mo
Ang pagsang-ayon, ang
pagtango at pagtanggap
Bilang bagong ama ng lima
mong nakababatang kapatid.
ð Ang akdang ito ay sumasalamin sa problemang kinakaharap ng mga
kabataan ngayon na kung saan ginagampanan nila ang responsabilidad na hindi
dapat sa kanila . Ang mga kabataang Nagaaral dapat ay nagtatrabaho para
maitaguyod ang kanilang pamilya .
Walang komento:
Mag-post ng isang Komento